ក្រុមប្រឹក្សាភិបាល

BOARD OF DIRECTORs

អ្នកឧកញ៉ាបណ្ឌិត ពុង ឃាវសែ
ប្រធានក្រុមប្រឹក្សាភិបាល

អ្នកឧកញ៉បណ្ឌិត ពុង ឃាវសែ ជាប្រធានក្រុមប្រឹក្សាភិបាល ធនាគារ កាណាឌីយ៉ា និងក្រុមហ៊ុនវិនិយោគទុនអាណិកជនកម្ពុជា (Overseas Cambodian Investment Corporat ion, OCIC)។ លោកបានចូលរួមយ៉ាងសកម្មក្នុងការវិនិយោគ និងការអភិវឌ្ឍន៍ក្រុមហ៊ុនទាំងពីរ។ លោកជាសហគ្រិនដ៏ឆ្នើម និងជាអ្នកដឹកនាំដ៏គួឱ្យគោរពក្នុងប្រទេសកម្ពុជា និងប្រទេសកាណាដា។ អ្នកឧកញ៉ាបណ្ឌិត ពុង ឃាវសែ បានបម្រើការងារ ជាប្រធានក្រុមប្រឹក្សាភិបាល ប្រធាននាយកប្រតិបត្តិ និងអភិបាលរបស់ក្រុមហ៊ុនជាច្រើនមានដូចជា៖ Oriental Ship Supplies, Oriental Commercial Inc, ហើយលោកបានដឹកនាំធនាគារ កាណាឌីយ៉ា ឱ្យរីកចម្រើនចាប់តាំងពី ឆ្នាំ១៩៩១។ បន្ថែមពីនេះទៅទៀត លោកធ្លាប់កាន់តួនាទីជាប្រធានសមាគមអ្នកសាងសង់កម្ពុជា និងធើ្វការជិតស្និទ្ឋជាមួយប្រធានឧស្សាហកម្ម ដើម្បីណែនាំការអភិវឌ្ឍន៍វិស័យធនាគារ និងសំណង់នៅក្នុងប្រទេសកម្ពុជាផងដែរ។

អ្នកឧកញ៉ាបណ្ឌិត ពុង ឃាវសែ ទទួលបានពានរង្វាន់កិត្តិយសថ្នាក់មហាសិរីវឌ្ឍនៈពីព្រះករុណាព្រះបាទ នរោត្តមសីហនុ ក្នុងឆ្នាំ២០0២ និងទទួលបានមេដៃស្ថាបនាជាតិថ្នាក់លេខមួយ ដែលប្រគល់ដោយសម្តេចអគ្គមហាសេនាបតីតេជោ ហ៊ុន សែន ក្រោមអធិបតីភាពរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងឆ្នាំ២០១២។ សម្រាប់ការចូលរួមដ៏សំខាន់ដែលលោកបានធ្វើ និងកំពុងបន្តធ្វើឱ្យមានការឆ្ពោះទៅរកការអភិវឌ្ឍន៍ក្នុងប្រទេសកម្ពុជា។

នាថ្ងៃទី២១ ខែវិច្ឆិកា ឆ្នាំ២០១៩ លោកបានទទួលគោរមងារកិត្តិយសជា អ្នកឧកញ៉បណ្ឌិត ពុង ឃាវសែ ក្រោមអធិបតីដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ក្នុងពិធីសម្ភោធអគារឥន្ទ្រទេវីនៃរាជបណ្ឌិតសភាកម្ពុជា ។

Hong-ping

លោក Yeo Hong Ping
អនុប្រធានក្រុមប្រឹក្សាភិបាល

Ork Bora

ឯកឧត្តម អោក បូរ៉ា
ទីប្រឹក្សាក្រុមប្រឹក្សាភិបាល

Neo Poh Kiat

លោក Neo Poh Kiat
សមាជិកក្រុមប្រឹក្សាភិបាលឯករាជ្យ

Director_0003_Mr.-Giang-Sovann

លោក Gian Sovann 
សមាជិកក្រុមប្រឹក្សាភិបាលឯករាជ្យ

Phillip

លោក Teo Meng Poh Philip
សមាជិកមិនប្រតិបត្តិ

លោក រស់ ភិរុណ
សមាជិកក្រុមប្រឹក្សាភិបាល

Carolyne Pung

លោកស្រីវេជ្ជបណ្ឌិត Carolyne Pung
សមាជិកក្រុមប្រឹក្សាភិបាល

លោក​ តូច ចៅចេក
ប្រធាននាយកប្រតិបត្តិ

លោក តូច ចៅចេក មានបទពិសោធន៍ជា ២០ឆ្នាំក្នុងវិស័យធនាគារ និងហិរញ្ញវត្ថុនៅក្នុងប្រទេសកម្ពុជា។ លោកធ្លាប់បម្រើការងារជាបុគ្គលិកជាន់ខ្ពស់ និងជានាយកប្រតិបត្តិក្នុងអគ្គនាយកដ្ឋានឥណទាន នៃធនាគារ អេស៊ីលីដា មុនពេលលោកបានចូលបម្រើការងារជាអនុប្រធាននាយកប្រតិបត្តិ និងប្រធាននាយកប្រតិបត្តិប្រតិបត្តិការ របស់គ្រឺះស្ថានមីក្រូហិរញ្ញវត្ថុ ហត្ថាកសិករ លីមីតធីត ទទួលខុសត្រូវទាំងស្រុងលើប្រតិបត្តិការអាជីវកម្មរបស់គ្រឺះស្ថានមានដូចជា ការគ្រប់គ្រងសម្ពាធឥណទាន ការកេណ្ឌប្រមូលប្រាក់បញ្ញើសន្សំ ការអភិវឌ្ឍន៍អាជីវកម្ម និងការគ្រប់គ្រងសាខា ក្រៅពីធនាគារ និងហិរញ្ញវត្ថុនេះ លោកធ្លាប់បម្រើការងារក្នុងវិស័យផលិតកម្មអស់រយៈពេល ២ឆ្នាំ ដែលមានតួនាទីជានាយកប្រតិបត្តិទីផ្សារ។

លោកបានបញ្ចប់ថ្នាក់អនុបណ្ឌិតផ្នែកធនាគារ និងហិរញ្ញវត្ថុ ពីសកលវិទ្យាល័យកម្ពុជា ក្នុងឆ្នាំ២០០៦ និងបានបញ្ចប់ថ្នាក់អនុបណ្ឌិតផ្នែកទីផ្សារពីសាកលវិទ្យាល័យជាតិគ្រប់គ្រង និងបានបញ្ចប់ថ្នាក់បរិញ្ញាបត្រនីតិសាធារណៈក្នុងឆ្នាំ១៩៩៩ ហើយលោកបានបញ្ចប់ថ្នាក់បរិញ្ញាបត្ររងផ្នែកវិជ្ជាជីវៈច្បាប់ក្នុងឆ្នាំ១៩៩៦ ពីសាកលវិទ្យាល័យច្បាប់ និងវិទ្យាសាស្ត្រសេដ្ឋកិច្ចផងដែរ។

លោកក៏បានចូលរួមក្នុងវគ្គបណ្តុះបណ្តាលប្រតិបត្តិជាច្រើនទាំងក្នុង និងក្រៅប្រទេសលើវិស័យធនាគារ និងហិរញ្ញវត្ថុ​ដែលទាក់ទងទៅនឹងភាពជាអ្នកដឹកនាំ ការគ្រប់គ្រង និងការគ្រប់គ្រងហានិភ័យជាដើម។

លោក ម៉ាលៃ កុមើ ប៉ូល
អនុប្រធាននាយកប្រតិបត្តិ

លោក ម៉ាលៃ មានបទពិសោធន៍ការងារជាង ២៥ឆ្នាំ លោកមានមុខតំណែងចុងក្រោយជាអនុប្រធាននាយកប្រតិបត្តិគ្រប់គ្រងហានិភ័យរបស់ Fullerton Financial Holdings (FFH) ជាទីកន្លែងដែលលោកបានជួយគាំទ្រដល់ផ្នែកគ្រប់គ្រងហានិភ័យផលបត្រឥណទានរបស់ FFH នៅក្នុងតំបន់ឥណ្ឌូចិន។

មុនពេលដែលលោកចូលបម្រើការងារក្នុង FFH លោកមានតួនាទីជាប្រធាននាយកគ្រប់គ្រងហានិភ័យនៅធនាគារ Mekong Development Bank (MDB) ក្នុងប្រទេសវៀតណាម។ លោក ម៉ាលៃ មានបទពិសោធន៍ជាច្រើននៅក្នុងផ្នែកគ្រប់គ្រងឥណទាន និងការដោះស្រាយបំណុល។ លោកធ្លាប់បម្រើការងារក្នុងតួនាទីជាអនុប្រធាននាយកប្រតិបត្តិ នាយកប្រតិបត្តិឥណទាន និងការដោះស្រាយបំណុលនៅក្នុងផ្នែកលក់ និងអាជីវកម្មតូចៗនៅធនាគារ The City Bank Ltd. ក្នុងប្រទេសបង់ក្លាដេស ហើយមុនពេលបម្រើការងារក្នុងធនាគារនេះ លោកបានបម្រើការងារក្នុងតួនាទីដូចគ្នានេះដែរនៅក្នុងធនាគារ PRAC Bank ក្នុងប្រទេសបង់ក្លាដេស។ នៅមុនពេលដែលលោកបម្រើការងារនៅធនាគារខាងលើ លោក ម៉ាលៃ បានបម្រើការងារអស់រយៈពេល ១៣ឆ្នាំនៅធនាគារ Standard Chartered Bank ហើយលោកមានតួនាទីចុងក្រោយជានាយកប្រតិបត្តិដោះស្រាយបំណុលប្រចាំតំបន់រួមមានប្រទេស Barain, Qatar, Jordan និងLebanon។

លោក ម៉ាលៃ ចាប់ផ្តើមការងារក្នុងធនាគារដំបូងរបស់លោកនៅធនាគារ ANZ Grindlays Bank’s មានតួនាទីជាអ្នកគ្រប់គ្រងសាខាធនាគារ និងគ្រប់គ្រងបំណុលមានបញ្ហា។

លោក ម៉ាលៃ ទទួលបានបរិញ្ញាបត្រជាន់ខ្ពស់ផ្នែកវិទ្យាសាស្រ្ត (ថ្នាក់ដំបូង) ជាមួយសាកលវិទ្យាល័យ ដាកា ក្នុងប្រទេសបង់ក្លាដេស។ គាត់គឺជាគ្រូបង្រៀន (Collection Trainer) ដែលមានការទទួលស្គាល់ និងបានបញ្ចប់វគ្គបណ្តុះបណ្តាលជាគ្រូបង្គោលដែលបានរៀបចំដោយវិទ្យាស្ថានធនាគារ អភិវឌ្ឍន៍អាស៊ី (ADBI) មជ្ឈមណ្ឌលសិក្សាអភិវឌ្ឍន៍ក្រុងតូក្យូ (TDLC) ដែលជាសមាជិកនៃ GDLN អាស៊ីប៉ាស៊ីហ្វិក និងអង្គការអភិវឌ្ឍន៍មូលធនសហប្រជាជាតិមូលនិធិ (UNCDF) ។

លោក​ យី សាគុណ
ប្រធាននាយកប្រតិបត្តិធនធានមនុស្ស

លោក យី សាគុណ មានបទពិសោធន៍ជាង ១៦ឆ្នាំលើផ្នែកគ្រប់គ្រងធនធានមនុស្ស ការបណ្តុះបណ្តាល និងការអភិវឌ្ឍន៍ការគ្រប់គ្រងសមិទ្ធផល និងការសម្របសម្រួលកិច្ចការធនធានមនុស្សក្នុងវិស័យហិរញ្ញវត្ថុរួមមាន ធនាគារ គ្រឹះស្ថានមីក្រូហិរញ្ញវត្ថុ និងបដិសណ្ឋារកិច្ច។ លោក សាគុណ មានបទពិសោធន៍ជាច្រើនលើផ្នែកគ្រប់គ្រង និងអភិវឌ្ឍធនធានមនុស្ស ការបង្កើតវប្បធម៌សាជីវកម្ម ការគ្រប់គ្រងការផ្លាស់ប្តូរធនធានមនុស្ស ការគ្រប់គ្រងការអនុវត្តន៍ និងការគ្រប់គ្រងលើជំនាញ និងទេពកោសល្យសម្រាប់ក្រុមហ៊ុនដែលទើបបង្កើតថ្មី និងក្រុមហ៊ុនកែទម្រង់ ឬរៀបចំរចនាសម្ព័ន្ធឡើងវិញ។

លោកបានចូលរួមជាមួយធនាគារ ប្រៃសណីយ៍កម្ពុជា ក.អ ចាប់តាំងពីការកកើតឡើងដំបូងនាខែកុម្ភៈ ឆ្នាំ២០១៣។ មុនពេលចូលរួមជាមួយធនាគារ ប្រៃសណីយ៍កម្ពុជា ក.អ លោកបានកាន់តំណែងជានាយករងប្រតិបត្តិធនធានមនុស្សនៅគ្រឹះស្ថានមីក្រូហិរញ្ញវត្ថុ អម្រឹត ជានាយកគ្រប់គ្រងធនធានមនុស្ស នាយកសម្របសម្រួលកិច្ចការធនធានមនុស្ស ជាអ្នកសម្របសម្រួលគម្រោងក្នុងប្រទេសរបស់ធនាគារ ANZ រ៉ូយ៉ាល់ និងជានាយកប្រតិបត្តិធនធានមនុស្សនៅសណ្ឋាគារ និងរមណីយដ្ឋាន សុខាគ្រុប (សណ្ឋាគារ និងរមណីយដ្ឋានលំដាប់ផ្កាយ ៥)។

លោកក៏ធ្លាប់បានបម្រើការក្នុងផ្នែកលក់ និងសេវាកម្មអតិថិជនលើផ្នែកបដិសណ្ឋារកិច្ចរាប់បញ្ចូលទាំងសណ្ឋាគារក្នុងប្រទេស និងក្រៅប្រទេសលំដាប់ផ្កាយ ៥ ដូចជាសូហ្វីតែលរ៉ាហ្វល ក្រុមហ៊ុនទេសចរណ៍ និងទូរគមនាគមន៍។ លោកបានបញ្ចប់ថ្នាក់បរិញ្ញាបត្រគ្រប់គ្រងអាជីវកម្ម និងបានចូលរួមក្នុងវគ្គបណ្តុះបណ្តាលជាច្រើនទាំងក្នុងប្រទេស និងក្រៅប្រទេសដែលភាគច្រើនទាក់ទងនឹងភាពជាអ្នកដឹកនាំ និងការគ្រប់គ្រងធនធានមនុស្ស។

លោក គង់ ឆាយឡុង
ប្រធាននាយកប្រតិបត្តិប្រតិបត្តិការ

លោក គង់ ឆាយឡុង មានបទពិសោធន៍ការងារក្នុងវិស័យបច្ចេកវិទ្យា និងធនាគារជាង ២៣ឆ្នាំ និងក្នុងឆ្នាំ២០១៦ បានចូលរួមជាមួយធនាគារ ប្រៃសណីយ៍កម្ពុជា ក.អ ។ លោកបានចំណាយពេល និងចូលរួមការងារជាមួយក្រុមហ៊ុនបច្ចេកវិទ្យាអន្តរជាតិធំៗ ចំនួន២អស់រយៈពេលជាង ១២ឆ្នាំ។ ក្រោយមកលោកបានចូលរួម និងបម្រើការងារដែលមានមុខតំណែងជាន់ខ្ពស់មួយជាមួយធនាគារ ANZ Royal អស់រយៈពេលជាង ១០ឆ្នាំ។ ផ្អែកលើបទពិសោធន៍ផ្នែកប្រព័ន្ធបច្ចេកវិទ្យាជាច្រើនឆ្នាំ លោកបានធ្វើពិធីកម្មចំណេះដឹងដើម្បីចូលរួមក្នុងវិស័យធនាគារ ធ្វើយ៉ាងណា ឲ្យសេវាកម្មធនាគារកាន់តែមានលក្ខណៈងាយស្រួល ឌីជីថល សាមញ្ញ និងស្វ័យប្រវត្តិកម្មដើម្បីបំពេញតាមតម្រូវការទីផ្សារ និងអភិបាលកិច្ចឱ្យល្អគួរជាទីគាប់ប្រសើរ។

លោកបានកាន់មុខតំណែង និងមានការទទួលខុសត្រូវខ្ពស់ជាច្រើននៅធនាគារ ANZ Royal ក្នុងនោះលោកបានដឹកនាំផ្នែក Electronic Channel ដើម្បីជួលសម្រួលដល់ប្រតិបត្តិការសេវាកម្ម ផ្នែកលក់ ផ្នែកគ្រប់គ្រងទ្រព្យសម្បត្តិ និងផ្នែកសាជីវកម្ម ដើម្បីសម្រេចបាននូវភាពជោគជ័យ និងក្រោយមកក៏ក្លាយជាធនាគារធំមួយនៅលើទីផ្សារស្រុកខ្មែរ។

ដោយការប្តេជ្ញាចិត្ត និងការលះបង់ខ្ពស់របស់លោកទើបធ្វើឱ្យលោកសម្រេចបាននូវលទ្ធផលគួរឱ្យកត់សម្គាល់ ហើយត្រូវក៏បានតែងតាំងជានាយកប្រតិបត្តិប្រតិបត្តិការកណ្តាល មានតួនាទីគ្រប់គ្រង និងដឹកនាំនាយកដ្ឋានចំនួន ៥ ដែលស្ថិតក្រោមការគ្រប់គ្រង។ ក្រៅពីការងារគោលលោកបានទទួលជោគជ័យក្នុងការដឹកនាំ និងអនុវត្តន៏គម្រោងផ្សេងៗជាច្រើនរួមទាំង System Transformation and Processes re-Engineering។

លោក ឆាយឡុង បានបញ្ចប់ថ្នាក់អនុបណ្ឌិតផ្នែកព័ត៌មានវិទ្យា និងទទួលបានវិញ្ញាបនប័ត្រភាពជាអ្នកដឹកនាំផ្សេងៗ លោកក៏ជាសមាជិកនៃ International Compliance Association និងវិញ្ញាបនប័ត្រផងដែរ។

លោក ជា ប៊ុនហ៊ាន
ប្រធាននាយកប្រតិបត្តិហិរញ្ញវត្ថុ

លោក ជា ប៊ុនហ៊ាន បានចូលរួមជាមួយធនាគារ ប្រៃសណីយ៍កម្ពុជា ក.អ ក្នុងតួនាទីជាប្រធាននាយកប្រតិបត្តិហិរញ្ញវត្ថុ នាខែវិច្ឆិកា ឆ្នាំ២០១៩។ លោកមានបទពិសោធន៍ជាង ១០ឆ្នាំក្នុងវិស័យធនាគារ និងហិរញ្ញវត្ថុ។ លោកបានចំណាយពេលជាង ២ឆ្នាំជាមួយក្រុមហ៊ុនកាណាឌីយ៉ាគ្រុប និងទទួលបន្ទុកតួនាទីផ្សេងៗគ្នាដូចជានាយកប្រតិបត្តិផែនការអាជីវកម្ម និងគ្រប់គ្រងរបាយការណ៍ហិរញ្ញវត្ថុ នាយកប្រតិបត្តិរតនាគារ នៅធនាគារកាណាឌីយ៉ា និងជាប្រធាននាយកប្រតិបត្តិនៅក្រុមហ៊ុនកាណាស៊ីឃ្យូរីធីអិលធីឌី។

មុនពេលលោកបានចូលរួមជាមួយធនាគារ លោកបានកាន់មុខតំណែងជាច្រើនជាមួយធនាគារក្នុងតំបន់រួមមានតំណែងជានាយករងប្រតិបត្តិធនាគារពាណិជ្ជអស់រយៈពេល ៤ឆ្នាំ។ លើសពីនេះទៀត លោកបានកាន់តំណែងជាង ៧ឆ្នាំក្នុងផ្នែកសវនកម្ម ដែលចុងក្រោយលោកបានកាន់តំណែងជានាយកគ្រប់គ្រងសវនកម្មនៅក្រុមហ៊ុនសវនកម្មក្នុងស្រុក និងក្រុមហ៊ុនសវនកម្មធំៗចំនួន ៤ នៅប្រទេសសិង្ហបុរី ប្រទេសវៀតណាម និងប្រទេសកម្ពុជា។

លោក ប៊ុនហ៊ាន ទទួលបានវិញ្ញាបនបត្រគណនេយ្យសាធារណៈ វិញ្ញាបនបត្រ CPA អូស្ត្រាលី និង KICPAA។ លោកបានបញ្ចប់ថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រងធុរកិច្ចពីសាកលវិទ្យាល័យគ្រប់គ្រងពាណិជ្ជកម្ម ទីក្រុងប៉ារីស ប្រទេសបារាំង។ លោកក៏បានបញ្ចប់បរិញ្ញាបត្រសេដ្ឋកិច្ចពីសាកលវិទ្យាល័យលីយ៉ុង ប្រទេសបារាំង និងបរិញ្ញាបត្រគ្រប់គ្រងពាណិជ្ជកម្មពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ប្រទេសកម្ពុជា។

លោកក៏ជាសវនករដែលទទួលបានការទទួលស្គាល់ពីគណៈកម្មការមូលបត្រកម្ពុជាផងដែរ។ លោកមានបទពិសោធន៍ការងារផ្ទាល់ជាមួយនិយ័តករដូចជា ធនាគារជាតិនៃកម្ពុជា អគ្គនាយកដ្ឋានពន្ធដារ KICPAA ក្រុមប្រឹក្សាជាតិគណនេយ្យ និងសភាពាណិជ្ជកម្មនៃសមាគមធនាគារនៃកម្ពុជា និងសភាពាណិជ្ជកម្មម៉ាឡេស៊ី។

លោកស្រី សេនឌី ឈួ ផេកជូ
ប្រធាននាយិកាប្រតិបត្តិពាណិជ្ជកម្ម និងអភិបាលសាខា

លោកស្រី សេនឌី ឈួ ផេកជូ បានចូលរួមជាមួយធនាគារ ប្រៃសណីយ៍កម្ពុជា ក.អ ក្នុងឆ្នាំ២០១៩។ លោកស្រីមានបទពិសោធន៍ក្នុងវិស័យធនាគារចាប់តាំងពីឆ្នាំ២០០៤ មកម៉្លេះ។ មុនពេលចូលរួមជាមួយធនាគារ ប្រៃសណីយកម្ពុជា ក.អ លោកស្រីមានបទពិសោធន៍ជាលេខាធិការនាយកប្រតិបត្តិនៅធនាគារកម្ពុជា អាស៊ីនិងកាន់មុខតំណែងប្រតិបត្តិការ និងការគ្រប់គ្រងជាច្រើនផ្នែកនៅក្នុងធនាគារ ANZ រ៉ូយ៉ាល់ រួមមានផ្នែកធនធានមនុស្ស សេវាកម្មអតិថិជន ប្រតិបត្តិការសាខា ការគ្រប់គ្រងសាខា និងការគ្រប់គ្រងឥណទានថ្នាក់តំបន់។ លោកស្រីក៏ត្រូវបានចាត់តាំងដល់ក្រុមហ៊ុនទូទាត់តាមទូរស័ព្ទដៃ ក្រុមហ៊ុនវីងខេមបូឌា(ជាបុត្រសម្ព័ន្ធរបស់ធនាគារ ANZ ក្នុងឆ្នាំ ២០០៨) ក្នុងនាមជានាយិកាគ្រប់គ្រងតំហែរក្សាអតិថិជន និងគ្រប់គ្រងរដ្ឋបាលទទួលបន្ទុកគ្រប់គ្រងផ្នែកទំនាក់ទនងតាមទូរស័ព្ទផ្នែកលក់រាយ ផ្នែករដ្ឋបាល និងនាយកដ្ឋានប្រតិបត្តិការ។ លោកស្រីក៏ធ្លាប់មានបទពិសោធន៍ក្នុងមុខតំណែងជាន់ខ្ពស់ជាច្រើននៅក្នុងធនាគារ មេយប៊ែង (ខេមបូឌា) ភីអិលស៊ី លើផ្នែកធនាគារអតិថិជន និងឥណទានខ្នាតតូច និងមធ្យម។

លោកស្រី សេនឌី ឈួ ផេកជូ បានបញ្ចប់ថ្នាក់បរិញ្ញាបត្រអនុបណ្ឌិតផ្នែកគ្រប់គ្រងទូទៅ ពីសាកលវិទ្យាល័យ Charles Sturt ប្រទេសអូស្ត្រាលី។ លោកស្រីក៏ត្រូវបានទទួលស្គាល់ដោយ LEAN Six Sigma និង Omega លើជំនាញផ្នែកឥណទានផងដែរ។

លោកស្រី សេនឌី ឈួ ផេកជូ គឺជាក្រុមការងារផ្នែកសេវាធនាគារ និងហិរញ្ញវត្ថុក្នុងក្រុមការងារទាំង១៣ផ្នែក ឯកជននៃវេទិកា រាជរដ្ឋាភិបាល-ផ្នែកឯកជន ទទួលស្គាល់ជាផ្លូវការដោយនាយករដ្ឋមន្ដ្រីតាំងពីថ្ងៃទី២៥ ខែមិនា ឆ្នាំ២០១៩។

សមាជិកគណៈ កម្មាធិកា បច្ចេកទេសទី២ តំណាងសភាមុខរបរ និងមីក្រូសហគ្រាសកម្ពុជា និងសមាជិកផ្នែកសារធាតុ និងផលិតផលគីមីក្រោមក្រសួងឧស្សាហកម្ម និងសិប្បកម្ម។ លោកស្រីក៏ជាសមាជិក EXCO នៃ CSU_ACAជាសមាជិកសភាពាណិជ្ជកម្ម សមាជិកនៃសមាគមសហគ្រិនស្ត្រីកម្ពុជា និងជាសមាជិកសហព័ន្ធខ្មែរ ចិននៅកម្ពុជា។

លោក គ្រួច ចាន់ថុល
ប្រធាននាយកប្រតិបត្តិបច្ចេកវិទ្យាព័ត៌មាន

លោក គ្រួច ចាន់ថុល ជាប្រធាននាយកប្រតិបត្តិបច្ចេកវិទ្យាព័ត៌មាននៃធនាគារ ប្រៃសណីយ៍កម្ពុជា ក.អ។ លោកកំពុងដឹកនាំក្រុមការងារនៃអគ្គនាយកដ្ឋានបច្ចេកវិទ្យា និងឌីជីថល នៃធនាគារ ប្រៃសណីយ៍កម្ពុជា ក.អ ក្នុងគោលបំណងជម្រុញយុទ្ធសាស្រ្តបច្ចេកវិទ្យា និងឌីជីថល ជំនាន់ក្រោយនៅកម្ពុជា។ លោក ចាន់ថុល និងក្រុមការងារបានប្តេជ្ញាចិត្តធ្វើការផ្លាស់ប្តូរនិន្នាការបច្ចេកវិទ្យា បច្ចុប្បន្នឱ្យកាន់តែរីកចម្រើនថែមមួយកម្រិតទៀត និងទាក់ទាញផលិតផលឌីជីថលថ្មីៗប្រកបដោយភាពច្នៃប្រឌិតដែលមានភាពរហ័ស និងបង្កើនប្រសិទ្ធភាពខ្ពស់សម្រាប់កំណើនអាជីវកម្ម។

ជាមួយបទពិសោធជំនាញជាង ២០ឆ្នាំ លោកបានចូលរួមជាសមាជិកស្ថាបនិកអ្នករៀបចំក្រុមហ៊ុនធានារ៉ាប់រងអាយុជីវិត ធនាគារ ខេមកូ និង RHB និងបានបើកដំណើរការអាជីវកម្មនេះដោយជោគជ័យក្នុងរយៈពេល ៦ខែ។ នៅក្នុងតួនាទីរបស់លោកគ្រប់គ្រងផែនទីបង្ហាញផ្លូវបច្ចេកវិទ្យាព័ត៌មាន និងឌីជីថល ហើយក៏ជាប្រធានគណៈកម្មាធិការដឹកនាំផ្នែកព័ត៌មានវិទ្យាដំឡើងហេដ្ឋារចនាសម្ព័ន្ធ សេវាកម្ម និងផលិតផលផ្គត់ផ្គង់ប្រតិបត្ដិការមជ្ឈមណ្ឌលកាត គ្រប់គ្រងអ្នកផ្គត់ផ្គង់ សេវាគំរាមកំហែងសន្តិសុខតាមប្រព័ន្ធអ៊ីនធឺណែត សវនកម្មហានិភ័យ អភិបាលកិច្ច និងធានាគុណភាព គាំទ្រផ្នែកបច្ចេកទេស អភិវឌ្ឍកម្មវិធីបន្តនិរន្តរភាពអាជីវកម្ម និងផែនការស្តារគ្រោះមហន្តរាយ។ លោកកំពុងគ្រប់គ្រងបុគ្គលិកចំនួន ៣៣នាក់ នៅក្រោមអគ្គនាយកដ្ឋានបច្ចេកវិទ្យាព័ត៌មាន និងឌីជីថល។

មុនពេលចូលកាន់តួនាទីនេះ លោកបានកាន់មុខតំណែងជាន់ខ្ពស់នៅក្នុងឧស្សាហកម្មធនាគារ និងធានារ៉ាប់រងផ្សេងៗ។ ក្នុងចំណោមការងារពីមុនលោកគឺជាប្រធានផ្នែកព័ត៌មានវិទ្យា និងការគាំទ្រផ្នែកសេវាកម្មនៅធនាគារ UCB RHB និងខេមកូ និងធានារ៉ាប់រងអាយុជីវិតព្រូដិនសល។ លោក ចាន់ថុល បានបញ្ចប់ការសិក្សាផ្នែកវិទ្យាសាស្រ្តព័ត៌មានកុំព្យូទ័រពីសាកលវិទ្យាល័យភូមិន្ទភ្នំពេញ និងទទួលបានសញ្ញាប័ត្រចំនួនពីរ ពីផ្នែករដ្ឋបាលធុរកិច្ច ៕

លោក អោក សាង
នាយកប្រតិបត្តិហិរញ្ញវត្ថុ

លោក យ៉ាំង ហាក់
នាយកប្រតិបត្តិឥណទាន

លោក ទីវ ចិន្តា
នាយកប្រតិបត្តិប្រព័ន្ធបណ្តាញធនាគារអេឡិចត្រូនិច

កញ្ញា កាន់ សំរេច
នាយិកាប្រតិបត្តិប្រតិបត្តិតាម

លោក ម៉ម សុគន្ធ
នាយកប្រតិបត្តិសវនកម្មផ្ទៃក្នុង

លោក លី ប៊ុនកូណា
នាយកប្រតិបត្តិវិភាគហានិភ័យ